"რისკიანობის საზღვარი"

 რისკი ანუ  ექსტრიმი არის არაორდინალური მოქმედება, რომელიც როგორც წესი სიცოცხლისათვის სახიფათოა. რისკი ბევრისათვის ასოცირდება მძაფრ შეგრძნებებთან. ცხადია, რომ იგი სიკვდილ-სიცოცხლის ზღვარზე "მოთამაშე" მოვლენაა, არის უდიდესი ადრენალინის მატარებელი და მხოლოდ თავგადასავლების მოყვარულებს ხიბლავს. ეს არის ნერვების გამოცდა ადამიანებისთვის, რომელთან გამკლავება ყველას არ შეუძლია. მსოფლიოში ყველაზე სახიფათო სპორტის სახეობებია გაჯერებული უსაზღვრო ადრენელინითა და ექსტრემალური სანახაობით.
  სწორედ ამ თემას ეხება მარკ ჯენკინსის სტატია "კრიტიკული წერტილი". კერძოდ სტატიაში ყურადღება გამახვილებულია ალპინიზმზე. ეს სპორტის ის სახეობაა, რომელიც ხიბლავს ძლიერ და ამტან ადამიანებს. ვისაც მოსწონს სისხლში ადრენალინის შეგრძნება და საკუთარი თავის გამოცდა. სტატიაში ნათლად ჩანს, რომ სპორტის ეს სახეობა არავის აძლევს უსაფრთხოების გარანტიას. ჩემთვის საინტერესოა ის ფაქტი თუ, როგორი დიდი მნიშვნელობა ენიჭება ექსპედიციის დროს გუნდურ მუშაობას. ექსპედიციის თითოეული წევრი პასუხს აგებს არა მარტო საკუთარ თავზე, არამედ სხვებზეც. ჩნდება კითხვა, თუ რა უბიძგებს ადამიანს სიცოცხლის ფასად წავიდეს რისკზე? ამ კითხვაზე პასუხის გასაცემად ვეწვიე საჯარო ბიბლიოთეკას, სადაც მოვიძიე ინფორმაცია ექსტრემალების შესახებ. ჩემი მთავარი მიზანი იყო გამეგო უფრო მეტი იმ მოტივების შესახებ, რომლის შედეგად ადამიანს თვით სიკვდილიც არ აშინებს. ალბათ ამიტომაც ამბობენ, რომ "საკმარისია ერთხელ მაინც გამოსცადოთ და შეიგრძნოთ რისკით გამოყოფილი ადრენალინი და იგი თქვენი ცხოვრების განუყოფელ ნაწილად იქცევა". სწორედ ჩვენი დროის ერთ-ერთი საუკეთესო ფილმი "სიცარიელესთან შეხება" არის იმის დამადასტურებელი, რომ ადამიანისთვის შეუძლებელი არაფერია. ეს ფილმი ცნობილი ალპინისტის ჯო სიმპსონის ბეთსელერის ეკრანიზაციაა, რომელიც გვიხატავს მისი ცხოვრების ერთ-ერთ ყველაზე წარმოუდგენელ, მაგრამ რეალურ ისტორიას. ახალგაზრდა ამბიციურმა ალპინისტებმა შორეული სიულა გრანდეს დალაშქვრა გადაწყვიტეს. უდიდესი სიძნელეების მიუხედავად მათ ეს შეძლეს. ჩემთვის ყველაზე მთავარი ამ ფილმში იყო ის, რომ თვით სიკვდილიც კი ვერ გაუწევს წინააღმდეგობას ადამიანის მისწრაფებებსა და სურვილებს.(http://net.adjara.com/Movie/main?id=6810–ფილმის ლინკი). ასევე შემიძლია გავიხსენო ქართველი ალპინისტები, კერძოდ გურამ თიკანაძე და მიხეილ ხერგიანი. ისინი ექსპედიციის დროს დაიღუპნენ. ეს არის ტრაგიკული შემთხვევა, მაგრამ გამბედაობისა და რისკისადმი სიყვარულის ნათელი მაგალითი.

 (გურამ თიკანაძე)

  ჩემი აზრით, იმ ნანატრ მწვერვალებზე სწრაფად ასვლის შესაძლებლობა, რომელიც მანამდე მიუწვდომლად გამოიყურებოდა, სამყაროს დანახვა სიმაღლიდან, სადაც მხოლოდ საკუთარი სუნთქვა და ხმა ისმის, შესაძლებლობა, რომელიც თავს ამ ველური ბუნების ნაწილად გაგრძნობინებს და აღფრთოვანება, რომელიც ამ ექსტრიმს მოაქვს-აი ის მთავარი მიზეზები, რომელთა გამოც ადამიანს შეუძლია საკუთარი სიცოცხლის ფასად წავიდეს რისკზე.
  ჩემი აზრით, სწორედ მარტივი ნაბიჯებით მთიანი მწვერვალების დაპყრობა ნიშნავს არა მხოლოდ ბუნებაზე გამარჯვებას, არამედ უპირველეს ყოვლისა-საკუთარ თავზე.


 გამოყენებული მასალა:National Geographic საქართველო/მარკ ჯენკინსის სტატია                                                            "კრიტიკული წერტილი", Wikipedia.