სწორედ ამ თემას ეხება ბრაიან კრისტის სტატია "სპილოს ძვლის დევნა". ნათლად ჩანს, რომ დასმული საკითხი მწვავედ დგას. ამ კონკრეტულ შემთხვევაში გამოვყოფ სპილოს ძვალზე ნადირობის ფაქტს. სტატიაში ბევრი ახალი და საინტერესო ინფორმაცია აღმოვაჩინე. მაგალითად ტაქსიდერმისტ ჯორჯ დანტეს მიერ ხელოვნური სპილოს ეშვის შექმნა, გასაოცარი იდეაა. თანამგზავრთან დაკავშირებული სათვალთვალო სისტემისა და GPS-ის ჩამონტაჟებით კონტრაბანდისტები გამოვლინდებიან. აღნიშნულ საკითხთან დაკავშირებით გადავწყვიტე ჩამეტარებინა კვლევა. პირველად ვეწვიე საჯარო ბიბლიოთეკას, სადაც მოვიძიე ინფორმაცია. ბოლო მონაცემებით, აფრიკაში ყოველწლიურად ათასობით სპილოს ხოცავენ. დახოცილ სპილოებს უმოწყალდ აჭრიან ეშვებს. ჩნდება კითხვა, თუ რა ძირითადი ფაქტორები განაპირობებს სპილოს ძვალზე ნადირობას?
ჩემი აზრით, საჭიროა გაერთიანება, მჭიდრო თანამშრომლობის დამყარება იმ ქვეყნებთან, სადაც მდგომარეობა ძალიან მწვავეა. ერთეული ადამიანების მატერიალურ მდგომარეობას არ უნდა შეეწიროს ცხოველები. ეს არის არაჰუმანური საქციელი. ისინი ამშვენებენ და ალამაზებენ ბუნებას. ცხოველთა დამცველმა ორგანიზაციებმა და უშუალოდ მთელმა მსოფლიომ ხმა უნდა ამოიღოს ამ უსამართლობის წინააღმდეგ, რათა მომავალში წითელ წიგნში არ მოგვიწიოს მათი მოძებნა.
ვიმედოვნებ, გამოჩნდებიან ადამიანები, რომლებიც გულთან მიიტანენ ამ საერთო გლობალურ პრობლემას. ჩვენ ვითმენთ. ძალიან ბევრია ჩემნაირად შეწუხებული ადამიანი. დარწმუნებული ვარ, რომ საზოგადოება ამ კუთხით ისეთი მშვიდი აღარ იქნება, როგორიც ადრე იყო. დროა მივხედოთ ამ საჭირბოროტო საკითხს, შევცვალოთ კანონი და აღვასრულოთ კიდეც! ცხოველები, ფრინველები და თევზები სანამ არიან დავიცვათ!
გამოყენებული მასალა:National Geographic საქართველო/ბრაიან კრისტის სტატია "სპილოს ძვლის დევნა", Wikipedia
Comments
Post a Comment